Туркманистонда Мари вилояти собиқ ҳокими Довранберди Аннабердиев ва Аҳал вилояти собиқ ҳокими Язмуҳаммет Гурбанов 25 йиллик қамоқ жазосига ҳукм қилинди. Бу ҳақда манбаларга таяниб, Turkmennews хабар берди.
Маълум қилинишича, собиқ амалдорлар бир кунда, аммо турли жиноий ишлар бўйича судланган. Ҳар икки собиқ ҳокимларга 7 август куни ҳукм чиқарилган. Аннабердиев ўтган қишда содир бўлган Қорақум канали ёрилиши сабабли судга тортилган.
Гурбановнинг жиноий жавобгарликка тортилиши сабаби номаълум, бироқ у июль ойида Аннабердиев ва бошқа кўплаб мансабдор шахслар билан “ишдаги жиддий камчиликлари учун” ишдан бўшатилган.
Turkmennews’нинг мамлакат ҳуқуқ-тартибот идораларидан биридаги манбасига кўра, иккала собиқ ҳокимнинг ишида ҳам бепарволик ва ўғрилик ҳолатлари қайд этилган.
“Расмий ОАВ ҳукм ҳақида хабар бермади. Баъзида Туркманистонда амалдорлар омма олдида озодликдан маҳрум этилиб, миллий телевидениеда намойиш қилинади. Аммо мазкур ҳолатда бундай бўлмади”, — дейилади хабарда
Изоҳ (0)