НАТО давлатлари 2024 йилнинг февраль март ойларида Германия, Польша ва Болтиқбўйи мамлакатларида Совуқ уруш давридан бери энг йирик қўшма машғулотларни ўтказмоқчи. Бу ҳақда Тhе Financial Times хабар берди.
“Қаттиқ ҳимоячи” машғулотларида 500 дан 700 гача жанговар ҳаво парвозлари ва 50 дан ортиқ кемалар манёврлари ўтказилади. Уларда 41 000 дан ортиқ аскар иштирок этиши кутилмоқда. Машғулотлар сценарийси НАТО қўшинлари Россиянинг альянс аъзоларидан бирига нисбатан агрессиясини қайтараётганини кўрсатади.
Симуляция қилинган душман Россия бошчилигидаги коалициядир. Қўшинлар учун янада реал сценарийларни яратиш учун машқларда ҳақиқий географик маълумотлардан фойдаланиш режалаштирилмоқда.
Машқларда жами 32 давлат иштирок этади — 31таси НАТО аъзоси ва альянсга қўшилиш учун ариза берган Швеция.
“Қаттиқ ҳимоячи” машқлари НАТОнинг янги ўқув стратегиясининг бир қисми бўлиб, альянс йилига бир эмас, икки марта йирик машғулотлар ўтказади. НАТО вакилларига кўра, бу машғулотлар билан альянс Москвага ҳарбий амалиётлар ўтказишга тайёрлигини намойиш қилмоқчи.
Изоҳ (0)