Журналистлар “Вагнер” раҳбари Евгений Пригожиннинг самолётини портлатиш учун ишлатилиши мумкин бўлган схема ҳақида хабар берди. Бу ҳақда “Московский Комсомолец” хабар берди.
.jpg)
Маълум қилинишича, “Вагнер” асосчисига тегишли бўлган иккала самолёт ҳам “норасмий юк” — ҳужжатлар ва посилкаларни ташиш учун ишлатилган. Экипаждан кўпинча Шереметеводан Пулковога юк етказиб бериш сўралган.
Посилкалар тўғридан тўғри аэродромда топширилган. Экипажга юкни ўрганиш қатъиян ман этилган. Юкларни учувчиларга топшириш ҳамма, шу жумладан, Пригожин ҳам бортга чиққандан кейин амалга оширилган.
“Юк Шереметево аэропортининг А терминали ҳудудига олиб келинган, у ерга автомобиль фақат рухсатнома билан кириши мумкин. Кейин юк бирламчи назоратдан ўтказилган”, — дейилади хабарда.
Шундан сўнг учувчилар юкни олиб, яна кўрикдан ўтган ва самолётга кетган. Одатда самолётда авиация хавфсизлиги ходими навбатчилик қилади.
Хабар қилинишича, Embraer Legacy самолётининг багаж қисмида жуда кўп буюмлар сақланган. У ерда парвоз хавфсизлигига таъсир қилиши мумкин бўлган бегона буюмни яшириш мумкинлиги айтилмоқда.
Изоҳ (0)