Россия Хавфсизлик кенгаши раиси ўринбосари Дмитрий Медведев НАТО офисининг Украина ўз ҳудудининг бир қисмини Россияга бериши эвазига альянсга аъзо бўлиши мумкинлиги ҳақидаги баёнотига муносабат билдирди. Бу ҳақда “РИА Новости” хабар берди.
Медведевга кўра, Украина НАТОга кириши учун ҳатто Киевнинг ўзидан ҳам воз кечиши керак.
“Шимолий Атлантика альянси офисидан Украина учун янги ғоя: Украина баҳсли ҳудудлардан воз кечса, НАТОга қўшилиши мумкин. Бу ғоя қизиқ. Савол шундаки, уларнинг барча ҳудудлари баҳсли.
Блокка кириш учун Украина ҳатто қадимги руснинг пойтахти Киевдан ҳам воз кечиши керак. Улар пойтахтни Лвовга кўчиришга мажбур бўлади”, — дейди у.
Аввалроқ НАТО бош котиби офиси раҳбари Стиан Йенссен Украина ҳудудининг бир қисмини Россияга ўтказиш эвазига альянсга аъзо бўлиши мумкинлигини рад этмаганди. У айрим давлатлар Украина ҳудудларининг бир қисмини Россияга бериши масаласини кўтарганини айтган.
Изоҳ (0)