Global Hunger Index 2022 йил учун халқаро миқёсдаги очлик индексини эълон қилди. Рейтингда Ўзбекистон яна 21-ўринни қайд этди. Ўтган йили ҳам мамлакат ушбу рейтингда 21-ўринда эди.
Маълум қилинишича, жорий йилда Глобал очлик индексда 121 та мамлакат иштирок этган.
Рейтингда Беларусь етакчилик қилган. Кучли бешликдан Босния ва Герсеговиня, Чили, Хитой ва Хорватия ўрин олган. Уларнинг барчасида очлик даражаси 5 баллдан кам. Ўзбекистон эса энг яхши деб топилган 49 мамлакат ичида 5,6 балл билан 21-ўринда қайд этилган.
МДҲнинг қолган давлатлари қуйидаги ўринларни эгаллади:
- Қозоғистон — 24;
- Россия — 28;
- Арманистон — 32;
- Озарбайжон — 36;
- Украина — 36;
- Қирғизистон — 40;
- Тожикистон — 67.
Бу индекс ҳар бир мамлакат учун тўртта кўрсаткични жамлаш орқали аниқланади:
- тўйиб овқатланмайдиган аҳоли улуши;
- беш ёшгача бўлган вазни меъёрдан паст болалар улуши;
- беш ёшгача бўлган бўйи меъёрдан паст болалар улуши;
- беш ёшгача бўлган болаларнинг ўлим даражаси.
Эслатиб ўтамиз, Ўзбекистон 2020 йилги рейтингда энг яхши деб топилган 47 мамлакат қаторида 6,7 балл билан 30-ўринда қайд этилганди. 2019 йилда ушбу рейтингда Ўзбекистон 10,7 балл билан 48-ўринда кўрсатиб ўтилган. 2021 йилда Ўзбекистондаги очлик даражаси 2000 йилга нисбатан сезиларли даражада камайган. Таққослаш учун:
- 2000 йил — 24,4;
- 2006 йил — 16,9;
- 2012 йил — 12,7;
- 2020 йил — 6,7;
- 2021 йил — 5,9;
- 2022 йил — 5,6.
Изоҳ (0)