Global Hunger Index 2022-yil uchun xalqaro miqyosdagi ochlik indeksini e’lon qildi. Reytingda O‘zbekiston yana 21-o‘rinni qayd etdi. O‘tgan yili ham mamlakat ushbu reytingda 21-o‘rinda edi.
Ma’lum qilinishicha, joriy yilda Global ochlik indeksda 121 ta mamlakat ishtirok etgan.
Reytingda Belarus yetakchilik qilgan. Kuchli beshlikdan Bosniya va Gersegovina, Chili, Xitoy va Xorvatiya o‘rin olgan. Ularning barchasida ochlik darajasi 5 balldan kam. O‘zbekiston esa eng yaxshi deb topilgan 49 mamlakat ichida 5,6 ball bilan 21-o‘rinda qayd etilgan.
MDHning qolgan davlatlari quyidagi o‘rinlarni egalladi:
- Qozog‘iston — 24;
- Rossiya — 28;
- Armaniston — 32;
- Ozarbayjon — 36;
- Ukraina — 36;
- Qirg‘iziston — 40;
- Tojikiston — 67.
Bu indeks har bir mamlakat uchun to‘rtta ko‘rsatkichni jamlash orqali aniqlanadi:
- to‘yib ovqatlanmaydigan aholi ulushi;
- besh yoshgacha bo‘lgan vazni meʼyordan past bolalar ulushi;
- besh yoshgacha bo‘lgan bo‘yi meʼyordan past bolalar ulushi;
- besh yoshgacha bo‘lgan bolalarning o‘lim darajasi.
Eslatib o‘tamiz, O‘zbekiston 2020-yilgi reytingda eng yaxshi deb topilgan 47 mamlakat qatorida 6,7 ball bilan 30-o‘rinda qayd etilgandi. 2019-yilda ushbu reytingda O‘zbekiston 10,7 ball bilan 48-o‘rinda ko‘rsatib o‘tilgan. 2021-yilda O‘zbekistondagi ochlik darajasi 2000-yilga nisbatan sezilarli darajada kamaygan. Taqqoslash uchun:
- 2000-yil — 24,4;
- 2006-yil — 16,9;
- 2012-yil — 12,7;
- 2020-yil — 6,7;
- 2021-yil — 5,9;
- 2022-yil — 5,6.
Izoh (0)