АҚШнинг Нью-Йорк шаҳрида Шерали Жўраевнинг вафоти муносабати билан икки кун Қуръон тиловат қилинади. Бу ҳақда Маданият вазирлиги ахборот хизмати хабар берди.
Унга кўра, Ўзбекистон халқ артисти Шерали Жўраевнинг вафоти муносабати билан таъзияномалар келишда давом этмоқда. “TURKSOY” ташкилоти бош котиби Султон Раев ва “Мahalla-USA” Ўзбек-Америка жамияти ҳамдардлик билдириб, мактуб йўллаган.
“Мahalla-USA” йўллаган мактубда ҳофиз вафоти муносабати билан 5—6 сентябрь кунлари соат 11:00 дан бошлаб кеч соат 18:00 гача марҳум хотирасига бағишлаб, Қуръон тиловат қилиниши айтилган. Шунингдек, ушбу хотира маросимига эркак ва аёллар ўзларига қулай вақтда келиши мумкинлиги билдирилган.
Изоҳ (0)