Қозоғистоннинг Оқмўла вилоятида 15 кишида куйдирги касаллиги қайд этилди. Бу ҳақда Kazinform хабар берди.
Мутахассисларнинг фикрича, барча беморларнинг аҳволи ўртача. Беморлар билан алоқада бўлган 22 нафар фуқаро шифокор назоратида. Карантиндаги Ушкарасу қишлоғига 1700 доза вакцина ва 900 000 миллиграмм дезинфекцияловчи восита олиб келинган. Ҳозир қишлоқдаги барча молхоналар дезинфекция қилиниб, ҳайвонлар хавфли касалликка қарши эмланмоқда.
“Республика эпидемияга қарши отряди етиб келди. Ортиқча чорва моллари, ортиқча техника қишлоқдан ташқарига чиқарилмайди. Блокпостлар ўрнатилди. Барча жониворлар рўйхатга олинган”, — дейди вилоят ветеринария бошқармаси бошлиғи ўринбосари Агибай Сиздиков.
28 август куни СЭСнинг вилоят бошқармасидан Жаркайнский туманида ишчилар орасида куйдирги касаллигига шубҳа борлиги ҳақида хабар келиб тушган. Корхона директорининг айтишича, улар 32 бош қорамолини йўқ қилган.
Изоҳ (0)