“Казгидромет” Қозоғистонда 5–7 сентябрь кунлари қандай об-ҳаво кузатилиши мумкинлиги ҳақида маълумот берди. Бу ҳақда Tengrinews хабар берди.
Прогнозга кўра, яқин кунларда Республиканинг аксарият ҳудудларида ёмғирли, момақалдироқ ва кучли шамоллар билан салқин об-ҳаво сақланиб қолади. Қозоғистон жануби-шарқининг тоғли ҳудудларида вақти-вақти билан ёмғир ва қор шаклида кучли ёғингарчилик бўлиши кутилмоқда.
“Кечаси ва эрталаб Республикамизнинг шимоли-ғарбий, шимолий, шарқий ва марказида туман тушиши кутилмоқда. Ҳаво ҳарорати шимолий, шимоли-ғарбий қисмида, республика марказида 2 даражагача бўлиши прогноз қилинган. Кечаси ҳарорат 2 ва 10 даража, кундузи эса 10-20 даражагача кўтарилиши кутилмоқда”, — дейди синоптиклар.
Изоҳ (0)