Олмаотадаги ресторанлардан бирида тунда отишма юз берди, оқибатда икки киши жароҳатланди. Бу ҳақда “Polisia.kz” хабар берди.
Воқеа 3 сентябрь куни юз берган. Гувоҳларнинг сўзларига кўра, ресторан залига ниқобли номаълум шахслар кириб, маълум бир столга яқинлашган ва меҳмонларга тўппончадан ўқ узган. Отишма оқибатида тамаддихонанинг икки нафар меҳмони жароҳатланган. Воқеа ҳақида полицияга хабар берилган.
“Ушбу факт Олмаота шаҳрининг Бўстадиқ тумани полиция бўлими томонидан қайд этилиб, тергов ҳаракатлари олиб борилмоқда. Ҳозирда мазкур жиноятни очишга қаратилган комплекс тезкор чора-тадбирлар амалга оширилмоқда”, — дея хабар беради Қозоғистон ИИВ.
Кейинроқ полиция гумондорлардан бири аллақачон ҳибсга олинганини айтди.
Изоҳ (0)