Ўзбекистонда бугун, 4 сентябрь куни 732 минг нафардан ортиқ бола 1-синфга қадам қўйди, деб хабар беради ЎзА.
Қайд этилишича, 2023/2024-ўқув йилида 732 мингдан ортиқ мактаб ёшидаги болалар 1-синфга ўқишга борган.
Ҳозирда Ўзбекистонда 10 минг 296 та мактаб фаолият юритмоқда. Янги ўқув йилига, 1-синфга қабул жараёнлари 20 июндан бошланган. Аввалроқ Мактабгача ва мактаб таълими вазирлиги 2023/2024-ўқув йили бошланиши муносабати билан боғчаларда “Салом, боғча”, мактабларда “Биринчи қўнғироқ”, “Мустақиллик дарси” тадбирларини ўтказиш бўйича тавсия ҳамда намунавий сценарий ишлаб чиққанди.
Таълимни ривожлантириш республика илмий-методик маркази директори Воҳид Ҳамидовга кўра, энди ҳар бир ўқувчининг қизиқишидан келиб чиққан ҳолда ўқиш давом эттирилади. Бунга қадар 1-синфдан 11-синфгача бўлган ўқувчилар бир хил таълим дастури асосида билим олган.
Изоҳ (0)