“Endi har bir o‘quvchining qiziqishidan kelib chiqqan holda o‘qish davom ettiriladi” — Ta’limni rivojlantirish respublika ilmiy-metodik markazi direktori

Ta’limni rivojlantirish respublika ilmiy-metodik markazi direktori Vohid Hamidov bugungi selektor yig‘ilishida aytilgan masalalar xususida gapirdi. 

Unga ko‘ra, edi har bir o‘quvchining qiziqishidan kelib chiqqan holda o‘qish davom ettiriladi. Bunga qadar 1-sinfdan 11-sinfgacha bo‘lgan o‘quvchilar bir xil ta’lim dasturi asosida bilim olgan.

“Bugungi selektor yig‘ilishda ta’lim jarayonida muhim bo‘lgan masalalar ko‘tarildi. Xususan, maktab ta’limida o‘quvchilar 1-sinfdan 11-sinfgacha o‘qish davrida bir xil o‘quv reja asosida o‘qiydi. Bugungi bo‘lgan yig‘ilishda esa o‘quvchilarning qiziqishlaridan kelib chiqqan holda o‘qishlari bo‘yicha alohida o‘rganish vazifalari berildi. 

Shu paytgacha 1-sinfdan 11-sinfgacha bo‘lgan o‘quvchilar bir xil ta’lim dasturi asosida bilim olishardi. Ularning individual qiziqishlari va qobiliyatlari inobatga olinmagan holda dars o‘tilardi. Endilikda esa har bir o‘quvchining qiziqishidan kelib chiqqan holda o‘qish davom ettiriladi. Bu esa har o‘quvchiga alohida yondoshgan holda kadrlar tayyorlashga yordam beradi”, — deydi Ta’limni rivojlantirish respublika ilmiy-metodik markazi direktori Vohid Hamidov.