Ўзбекистонда 1-синфга борадиган ўқувчилар учун “Президент совғаси” жамланмасини мактабларга етказиб бериш бошланди, деб хабар бермоқда Мактабгача ва мактаб таълими вазирлиги ахборот хизмати.
Унга кўра, 1-синфга чиқиши режалаштирилган 732 960 нафар бола учун “Президент совғаси” хариди амалга оширилиб, туман бўлимлари орқали ҳудудларга етказилмоқда. 1-синф ўқувчиларига бериладиган “Президент совғаси” таркибида 12 турдаги ўқув қуроллари мавжуд:
- Ўқувчи сумкаси;
- 12 дона дафтар;
- Расм дафтари;
- Акварел бўёқлари;
- Рангли қоғоз;
- Қаламдон;
- Шарикли ручка;
- Рангли қалам;
- 2 дона оддий қалам;
- Пластилин;
- Елим;
- 2 дона ўчирғич.
Қайд этилишича, “Президент совғаси” 25 августига қадар вазирликнинг adm.maktab.uz электрон базасига киритилган болалар сонига мос равишда умумтаълим мактабларига етказилади.
Изоҳ (0)