“Аслида ҳамма гап пулда”. Тони Кроос ёш футболчиларнинг Саудия чемпионатига ўтаётганини танқид қилди

“Реал” ярим ҳимоячиси Тони Кроос футболчиларнинг Саудия Арабистонига кетаётганини танқид остига олди.

“Ҳар бир инсон Криштиану Роналду фаолияти охирида қилганидек, ўзи қарор қабул қилиши лозим. Аммо фаолиятининг чўққисида ва Европанинг топ-клубларида ўйнаш имконини берадиган сифатларга эга бўлган футболчиларнинг у ерга кетишини қабул қилиши қийин бўлмоқда. 

Кейин улар Саудияда истиқболли футбол борлигини айтади — аслида эса ҳамма гап пулда. Якунда бу қарор пул фойдасига ва футболнинг зарарига ишлайди. Бу биз севган футболга путур етказади”, — дейди Кроос. 

Аввалроқ, Тони “Сельта” футболчиси Габриэль Вейганинг “Ал-Аҳли”га ўтишини танқид қилганди. Маълумот учун 21 ёшли Габриэлга Европанинг гранд жамоалари, жумладан, “Барселона”, “Манчестер Сити”, “ПСЖ”, “Наполи”, “Ливерпуль” ва “Челси” каби жамоалар қизиқиш билдирганди.