Саудия Арабистони лигаси вакиллари маҳаллий клубларнинг Европа Чемпионлар Лигасида иштирок этиш эҳтимолини юқори баҳоламоқда.
Аввалроқ, Саудияликлар маҳаллий клубларнинг Чемпионлар Лигасида иштирок этиш имкониятини ўрганаётгани хабар қилинганди. УЕФА эса бу маълумотларни рад этганди.
Саудия лигасининг операцион директори Карло Ноҳра Bloomberg’га берган интервьюсида: “Биз бошқача бўлишга ҳаракат қилмоқдамиз, шунинг учун лигага киритилиши мумкин бўлган ҳар қандай форматдаги ўзгаришлар ёки яхшиланишлар мамнуният билан қабул қилинади”, — деб айтиб ўтди.
Шу билан бирга, функционер Саудия Арабистони лигаси ҳамон Осиё Чемпионлар Лигасида иштирок этиш ғоясига содиқ қолаётганини ҳам қўшимча қилди.
Изоҳ (0)