Москва вилоятининг Нахобино қишлоғида тожикистонлик йигит шортида югуриб юрган нотаниш қизни урди. Полиция ҳолат юзасидан Тожикистон фуқаросини қўлга олди. Бу ҳақда SHOT хабар берди.
Аниқланишича, қизни урган йигит 20 ёшда бўлиб, маҳаллий бошқарув компанияси ишчиси ҳисобланади. У югуришга чиққан нотаниш қизни қўлидан ушлаб, “Нега бунақа кийиниб олдинг?”, деб унинг юзига мушт туширган. Маҳаллий аҳоли тожикистонлик йигитга қиз спорт кийимида эканини тушунтирган.
Таъкидланишича, жабрланувчи енгил атлетика бўйича спорт устаси, у доимий равишда югуришларга тайёрланади. Қиз ҳолат юзасидан полицияга ариза ёзган. Унинг лаби ёрилиб, юзи шишган. Мигрант қилган ишини тан олган ва полиция уни қўлга олишига қаршилик кўрсатмаган.
Ҳозирда Тожикистон фуқаросига қарши жиноят иши қўзғатилган. У бир йил олдин “миясида турли товушларни эшитаётгани” учун руҳий касалхонада даволангани аниқланди.
Изоҳ (0)