Корея Республикаси ҳукумати томонидан тақдим этилган бюджет лойиҳасига кўра, 2024 йилда Украинага турли кўринишдаги ёрдам учун 520 миллиард вон (393 миллион доллар) ажратиши кутилмоқда. Бу ҳақда Yonhap агентлиги хабар берди.
Жанубий Корея ҳукумати хорижий мамлакатлар тараққиёти учун ёрдам беришга сарфланадиган умумий харажатларни 6,5 триллион вон миқдорида белгилашни таклиф қилмоқда.
25 август куни Финляндия Киевга 94 миллион евролик ҳарбий техника етказиб бериши хабар берилганди. Мазкур ёрдам пакетида аввал етказиб берилган мудофаа қуролларини алмаштириш учун янги ҳарбий техникалар ўрин олган. Шунингдек, Финляндиянинг Украинага тақдим этган барча ҳарбий ёрдам пакетларининг умумий қиймати тахминан 1,3 миллиард еврога етгани маълум қилинган.
Изоҳ (0)