Finlyandiya Kiyevga harbiy texnikaning yangi partiyasini yuboradi. 25-avgust, juma kuni Finlyandiya prezidenti Sauli Niinistyo hukumat taklifiga ko‘ra Ukrainaga bu mamlakatda urush boshlanganidan beri 18-harbiy yordam paketini taqdim etishni ma’qulladi, deb xabar beradi hukumat rasmiy sayti.
Umumiy qiymati qariyb 94 million yevro bo‘lgan yordam paketida avval yetkazib berilgan mudofaa qurollarini almashtirish uchun yangi harbiy texnikalar o‘rin olgan. Finlyandiyaning Ukrainaga taqdim etgan barcha harbiy yordam paketlarining umumiy qiymati taxminan 1,3 milliard yevroga yetdi.
“Finlyandiya va ittifoqchilarimizning Ukrainani qo‘llab-quvvatlashi o‘zgarmay qolmoqda. Yevropa va Finlyandiyada xavfsizlik tartibi nuqtai nazaridan asosiy masala Rossiyaning Ukrainaga qarshi agressiyasini to‘xtatishdir”, — dedi Finlyandiya mudofaa vaziri Antti Xakkanen.
Izoh (0)