Eronda afg‘onistonlik erkak 10 yoshli qizini kaltaklab o‘ldirdi

Eronda afg‘onistonlik erkak uydagi betartiblik sabab 10 yashar qizini kaltaklab o‘ldirdi, deb xabar bermoqda Herna nashri.

Xabarga ko‘ra, voqea 20-avgust kuni Rey shahrida sodir bo‘lgan. Politsiya ma’lumotlariga ko‘ra, qizcha elektr kabeli bilan qattiq kaltaklangan bo‘lishi mumkin.

Qizning otasi qo‘lga olinib, o‘z jinoyatiga iqror bo‘lgan va voqea qanday bo‘lgani haqida aytib bergan:

“Eronda bir ayol bilan tanishib, oila qurgandim. Voqea sodir bo‘lgan kuni dam olishga ketdik, qizim uyda yolg‘iz qoldi, bir necha soatdan keyin qaytganimizda, uydagi tartibsizlikka duch keldim. Biz yo‘qligimizda buni qizim qilganini angladim. Qattiq g‘azablanib, uni bir necha marta elektr kabeli bilan urdim. Keyin bolam uxlab qoldi, lekin ertalab uyg‘onmadi”.

Politsiya erkakka nisbatan jinoiy ish qo‘zg‘atgan, qo‘shimcha tergov olib borilmoqda.

Xabarga ko‘ra, Eronda yashovchi Afg‘oniston fuqarolari o‘rtasida tez-tez jinoiy hodisalar ro‘y beradi, biroq voyaga yetmagan bolaning otasi tomonidan o‘ldirilishi kam uchraydi.