Afg‘onistonning Qandahor shahrida 10 yoshli bola “otasi kaltaklashidan qo‘rqib” o‘zini osib o‘dirdi. Bu haqda “Tolibon” xavfsizlik manbalari ma’lum qildi, deb yozmoqda “Daryo”ning Afg‘onistondagi muxbiri.
Voqea 24-avgust kuni sodir bo‘lgan. Xabarda aytilishicha, Mohibulla ismli bola maktabdan chiqib, daryoga cho‘milishga ketgan. Uyga qaytganida onasi uni ruxsatsiz daryoga ketgani uchun koyib, otasiga shikoyat qilish bilan qo‘rqitgan.
Manbaga ko‘ra, ushbu tahdiddan keyin bola xonaga kirgan va otasi kaltaklashidan qo‘rqib, o‘zini osib qo‘ygan.
Qandahordagi “Tolibon” politsiyasi bolaning o‘z joniga qasd qilishi yuzasidan tergov boshladi.
Avvalroq Eronda afg‘onistonlik erkak uydagi betartiblik sabab 10 yashar qizini kaltaklab o‘ldirgani xabar qilingandi. Politsiya ma’lumotlariga ko‘ra, qizcha elektr kabeli bilan qattiq kaltaklangan bo‘lishi mumkin, otasi o‘z aybiga iqror bo‘lgan.
Izoh (0)