Япониянинг Tokyo Electric Power (ТEPCО) компанияси Фукусима-1 атом электр станциясидаги тозаланган радиоактив сувни океанга тўкишни бошлади. Америка университетининг тарих профессори Питер Кузник ушбу операциянинг эҳтимолий оқибатларидан хавотир билдирди.
Япония ҳукумати сув тозалаш жараёнидан ўтгани ва атроф-муҳитга хавф туғдирмаслигини билдирган. Олимларни ташвишга солаётган асосий сабаблардан бири — сувда радиоактив модда — тритий мавжудлиги.
Бу изотоп радиоактив бўлиб, уни сувдан тўлиқ олиб ташлаш жиддий техник қийинчиликларни келтириб чиқаради. Тритийнинг паст концентрацияси инсон танасига бевосита таҳдид солмаса ҳам, у атроф-муҳитга таъсир қилиши мумкин.
Кузник радиоактив сувни океанга тўкишнинг эҳтимолий оқибатларига ишора қилди.
“Биринчи бу планктонга таъсир қилади ва балиқ у билан озиқланади. У тўпланиб, янада концентрацияланишни бошлайди. Кейин одамлар балиқни истеъмол қилади”, — деб тушунтирди у.
Бу озиқ-овқат занжири ва инсон саломатлигига таъсир қилиши мумкин бўлган потенсиал занжир реакциясини таъкидлайди.
МАГАТЭ қарорига кўра, 30 йил ичида Фукусимадаги 1 миллион тоннадан ортиқ радиоактив сув океанга тўкилди. Баъзи ядро мутахассислари бу ечимни хавфсиз деб ҳисоблаб, қўллаб-қувватлайди.
Бироқ Кузникнинг таъкидлашича, АЭC ичида қолган радиоактив моддаларни совитиш учун доимий равишда радиоактив сувни айлантириш радиоактив чиқиндилар миқдорини оширади.
Баҳслар давом этар экан, профессор ҳақиқий хавфлар ҳақида ҳали аниқ маълумотлар йўқлиги айтди. У салбий ҳис-туйғуларни кучайтириши мумкин бўлган психологик жиҳатга, радиация қўрқувига ишора қилди.
Хитой Япония денгиз маҳсулотларини импортини тақиқлади
Хитой Фукусима АЭCдаги тозаланган радиоактив сув океанга тўкилиши фонида Япониянинг барча денгиз маҳсулотлари импортини тақиқлади. Ташқи ишлар вазирлигининг таъкидлашича, Хитой сувни тўкиш қарорини “қатъий қоралайди” ва Япониядан “бу нотўғри ҳаракатни тўхтатишни” талаб қилади.
“Япония худбинлик туфайли ўз халқига ва бутун дунёга қўшимча зарар келтирмаслиги керак”, — дейилади ТИВ хабарида.
Хитой Фукусима АЭCдаги сувни океанга тўкишга қарши
2011 йилдаги зилзила ва сунами оқибатида юзага келган авариядан сўнг Фукусима АЭC ҳудудида шикастланган реакторларни совитишда фойдаланиладиган 1 000 дан ортиқ сув резервуарлари тўпланиб қолган, бу тахминан 1,3 миллион куб метр сувни ташкил этади. Япония расмийларига кўра, 2024 йил бошида барча резервуарлар тўлиб бўлади.
Уларда сақланадиган сув яхшилаб тозаланган, аммо унда ҳали ҳам водороднинг радиоактив изотопи — тритий бор, бу модда изсиз йўқолиб кетмайди. Япония ҳукумати бу сувни денгизга тўкиш зарурлигини айтиб, бу дунёнинг бошқа атом электр станцияларида ҳам одатий ҳол эканини таъкидламоқда.
Хитой АЭCдаги сувни океанга тўкишга қатъиян қарши. Хитой элчиси бу дастурни нотўғри деб атади ҳамда Япония дастурни тўхтатиб, биринчи навбатда қўшни давлатлар билан маслаҳатлашувлар ўтказиши кераклигини айтди. 4 июль куни Атом энергияси бўйича халқаро агентлик (МАГАТЭ) раҳбари Рафаэл Grossи Японияга ташриф буюрди ва сувни океанга тўкиш қарорини маъқуллади. Унинг таъкидлашича, оқинди сув сифатига, балиқларга ва яқин атрофдаги манзилгоҳларга катта таъсир қилмайди.
Изоҳ (0)