АҚШнинг собиқ президенти Дональд Трамп ўз сайловолди кампанияси учун 72 миллион доллардан кўпроқ пул йиғишга муваффақ бўлди. Бу маблағ унинг республикачилар партиясидаги рақиблари йиғган маблағдан бир неча баробар кўпдир.
Бу ҳақда Bloomberg агентлиги АҚШ Федерал сайлов комиссияси маълумотларига таяниб хабар бермоқда.
Унга кўра, Американинг собиқ раҳбари июль ойи охиригача хайриядан 72,6 миллион доллар тўплаган. Шулардан 61 миллион долларини 2022 йил ноябрида президентлик пойгасида иштирок этишини эълон қилганидан кейин олган.
Шу билан бирга, Флорида губернатори Рон ДеСантис ҳозиргача бор-йўғи 17,2 миллион долларга яқин, АҚШнинг БМТдаги собиқ элчиси Никки Хейли эса 13,9 миллион доллар йиғишга муваффақ бўлди. Трамп даврида АҚШнинг вице-президенти бўлган Майк Пенс эса атиги 888 минг доллар тўплади.
Изоҳ (0)