АҚШ собиқ президенти Дональд Трамп президентликка даъвогар бўлган бошқа республикачилар билан дебатда қатнашишдан бош тортди. Бу ҳақда Трамп ижтимоий тармоқда ёзган.
Трампнинг сўзларига кўра, баҳс-мунозараларсиз ҳам у рақибларидан сезиларли даражада олдинда. CBS телеканали томонидан ўтказилган сўров шуни кўрсатдики, респондентларнинг 62 фоизи унга овоз беришга тайёр.
“Жамият менинг кимлигимни, президентлигим қанчалик муваффақиятли бўлганини билади. Энергетик мустақиллик, мустаҳкам чегаралар, кучли армия, тарихдаги энг кучли иқтисодиёт — буларнинг ҳаммаси менинг бошқарувим пайтида бўлган”, — деди собиқ президент ўз постида.
Бўлажак сайловларда республикачилар партиясидан президентликка номзодларнинг дебатлари 23 август куни бўлиб ўтади. Трампдан ташқари республикачилар партиясидан собиқ вице-президент Майк Пенс, Флорида губернатори Рон ДеСантис, бизнесмен Вивек Рамасвами, АҚШнинг БМТдаги собиқ доимий вакили Никки Хейли, Жанубий Каролина сенатори Тим Скотт ва Нью-Йорк штатининг собиқ губернатори Жерси Крис Кристи сайловда ўз номзодини қўйиш учун курашмоқда. АҚШда президентлик сайлови 2024 йилнинг ноябрига белгиланган.
Изоҳ (0)