АҚШ собиқ президенти Дональд Трамп Жоржиядаги сайловларга аралашгани сабаб очилган жиноий ишда 200 минг доллар гаров эвазига озод қилинади. Унинг адвокатлари ва прокуратура тегишли келишувларга эришди, деб хабар бермоқда CNN.
Сиёсатчининг адвокатлари “бошқа шартларга” ҳам рози бўлди, деб хабар қилди телеканал тафсилотларга аниқлик киритмасдан.
Трамп 25 августгача полицияга таслим бўлиши керак. Аммо эришилган келишувларга мувофиқ у расмий ҳибсга олинганидан кейин ўтказиладиган профилактика тингловида қатнашиши шарт эмас.
Сайловга аралашиш иши Трампга қарши очилган тўртинчи жиноий ишдир. Бунгача у бизнес ҳужжатларини сохталаштириш, махфий ҳужжатларни ноқонуний сақлаш ва сайловда мағлуб бўлганидан кейин ҳокимиятни ноқонуний сақлаб қолишга уринишда айбланган эди.
Бу ишда Трамп билан бирга яна 17 киши айбланмоқда.
Изоҳ (0)