AQSHning sobiq prezidenti Donald Tramp o‘z saylovoldi kampaniyasi uchun 72 million dollardan ko‘proq pul yig‘ishga muvaffaq bo‘ldi. Bu mablag‘ uning respublikachilar partiyasidagi raqiblari yig‘gan mablag‘dan bir necha barobar ko‘pdir.
Bu haqda Bloomberg agentligi AQSH Federal saylov komissiyasi ma’lumotlariga tayanib xabar bermoqda.
Unga ko‘ra, Amerikaning sobiq rahbari iyul oyi oxirigacha xayriyadan 72,6 million dollar to‘plagan. Shulardan 61 million dollarini 2022-yil noyabrida prezidentlik poygasida ishtirok etishini e’lon qilganidan keyin olgan.
Shu bilan birga, Florida gubernatori Ron DeSantis hozirgacha bor-yo‘g‘i 17,2 million dollarga yaqin, AQSHning BMTdagi sobiq elchisi Nikki Xeyli esa 13,9 million dollar yig‘ishga muvaffaq bo‘ldi. Tramp davrida AQSHning vitse-prezidenti bo‘lgan Mayk Pens esa atigi 888 ming dollar to‘pladi.
Izoh (0)