Буюк Британия Украинага атом электр станциялари учун ядро ёқилғиси сотиб олиш учун 192 миллион фунт стерлинг (245 миллион доллар) беради. Бу ҳақда Киевга ташрифи чоғида Буюк Британия энергетика вазири Грант Шеппс Reuters агентлигига маълум қилди.
“Биз тақдим этадиган бу кафолат Украинага келажакда ядро ёқилғиси Россия орқали ўтмаслигини таъминлашга ёрдам бериши керак. Бу пуллар ядро ёқилғиси анча ишончли манбалардан Украинага келишини кафолатлайди”, — деди вазир.
Унинг қўшимча қилишича, етказиб берувчилардан бири штаб-квартираси Лондонда жойлашган Уренcо Европа консорсиуми бўлади.
Июнь ойида Forbes Украина томонидан мамлакатни “Европанинг энергия маркази”га айлантириш учун тайёрланган режа ҳақида хабар берган эди. Ушбу режа, хусусан, Украина кичик модулли реакторлар ишлаб чиқаришнинг 90 фоизини маҳаллийлаштиришни ва мустақил равишда ядро ёқилғисини ишлаб чиқаришни назарда тутади.
Изоҳ (0)