АҚШ ҳукумати Тайванга Abrams танкларини етказиб беришни келаси йилдан бошламоқчи.
Танкларнинг дастлабки 38 таси 2024 йилда етказиб берилади. 2025 йилда яна 42 та Abrams етказиб бериш кўзда тутилган. Жанговар техниканинг 28 та охирги партияси эса 2026 йилда етказиб берилиши кутилмоқда.
Тайваннинг қуруқликдаги кучлари аллақачон танклардан фойдаланиш ва уларга техник хизмат кўрсатиш бўйича машғулотлар ўтказиш учун АҚШга юбориладиган офицерлар гуруҳини тузган. Тайванга қайтиб келгач, улар қуролли кучларда ҳарбий инструктор бўлишади.
Тайванга 2,2 миллиард долларга 108 та Abrams танкини сотиш АҚШ Давлат департаменти томонидан 2019 йилда тасдиқланган.
Ушбу танклар модификация қилинган бўлиб, жанговар модул билан жиҳозланган ва умуман жанговар транспорт воситасининг омон қолиш қобилиятини оширадиган бир нечта яхшиланишларни ўз ичига олади. Масалан, экипажни ҳимоя қилиш учун олд ва ён зирҳлар кучайтирилган. Бундай модификация Тайваннинг сўрови асосида амалга оширилган.
Изоҳ (0)