АҚШ давлат департаменти Польшага AH-64E Apache вертолётлари ва тегишли ускуналарни 12 миллиард долларга сотишни маъқуллади. Бу ҳақда Reuters хабар берди.
Пентагоннинг таъкидлашича, Польша НАТО аъзоси сифатида 96 та Апаче ҳужумчи вертолёти ва улар учун зарур жиҳозларни, хусусан, Hellfire ва Stinger ракеталарини сотиб олишга сўров юборган. Қайд этилишича, асосий пудратчилар Boeing ва Lockheed Мартин компаниялари ҳисобланади.
Мудофаа вазирлиги эҳтимолий сотув ҳақида АҚШ Конгрессини хабардор қилган, бироқ Давлат департаменти тегишли шартномани имзолагани ёки музокараларни якунлагани ҳақида аниқ маълумот йўқ.
Boeing компаниясининг Apache вертолётлари 1980 йиллардан бери ишлатилиб келинади ва ҳозирда АҚШ армиясининг асосий ҳужумчи вертолётлари ҳисобланади.
Аввалроқ Польша Жанубий Кореядан Чунмоо ёппасига ўт очувчи реактив тизимларининг биринчи партиясини олганди.
Польша армияси кенг кўламда қайта қуроллантирилмоқда. Американинг Абармс танклари ва HIMARS тизимларидан ташқари, қайта қуролланиш дастури Жанубий Корея билан ҳамкорликда кўплаб замонавий қуролларни ишлаб чиқаришни ҳам ўз ичига олади.
Изоҳ (0)