Польша бош вазири ўринбосари Ярослав Качинский унинг ҳукумати армия сонини деярли икки баробарга оширмоқчилигини айтди. Бу ҳақда Poliskie Radio хабар берди.
Мамлакатда аллақачон янги ҳарбий қисмлар ташкил этилмоқда, эскиларини эса тикланмоқда.
Польша ўз армиясини қандай кўпайтиради?
Качинскийга кўра, авваллари учта бўлинмадан иборат бўлган Польша армияси энди олтита бўлинмага эга бўлади. Бир оз вақт ўтгач, мамлакатда қўшимча ҳарбий бўлинма пайдо бўлиши мумкин.
“Давлатнинг асосий вазифаларидан бири хавфсизликни ичкари ва ташқаридан ҳимоя қилишди”, — деди Бош вазир ўринбосари.
У Польша расмийлари ҳозир Беларусь билан чегарани мустаҳкамлаш билан шуғулланаётганини қўшимча қилди. Ҳарбийлар чегарани қўриқлаш учун панжаралар ўрнатиб, “электрон қурилмалар” жойлаштирмоқда.
Качинский Польша “НАТОнинг шарқий қаноти қалқони” бўлиш учун кучли Европа қуруқлик армиясини яратишга интилаётганини таъкидлади.
Аввалроқ 3 давлат Беларусь билан чегараларини ёпмоқчилигини айтганди. Булар Литва, Латвия ва Польша бўлади. Бу Беларусда жойлашган вагнерчиларнинг эҳтимолий таҳдиди фонида содир бўлиши мумкин. Качинский шу тариқа Беларусь давлати бутунлай яккаланиб қолишини таъкидлади.
Изоҳ (0)