Машҳур инсонларнинг фарзанди бўлиш ҳам қийин. Кўплаб ижтимоий воқеалар, оммавий ахборот воситаларининг доимий эътибори ва ҳаддан ташқари нимадир кутиш — таниқли ота-оналарнинг фарзандлари буларнинг барчасига у ёки бу тарзда дуч келади. Айрим фарзандлар эса машҳур ота-оналарининг обрўсига путур етказадиган ишларни қилган. Peopletalk нашри машҳурларнинг “қулоқсиз” фарзандлари ҳақида маълумот берди.
Шаҳзода Гарри
Шаҳзода Гарри, яъни Елизавета II нинг 38 ёшга кирган кенжа набираси айнан шу ҳолатга мисол бўла олади, у Британия қироллик оиласининг энг “қулоқсиз” меросхўри бўлди. Шаҳзода Гаррининг ёшлигида муҳокамаларга сабаб бўлган сурати газеталарнинг биринчи саҳифаларида чоп этилди. Сассекс герцоги 36 ёшида қироллик ваколатларидан воз кечишга қарор қилди ва турмуш ўртоғи, ўғли билан АҚШга кўчиб ўтди.
Гарри бир неча бор папарацсилар қуроли остида яшаш унга мос келмаслигини тан олган. Унинг ўсмирлик пайтида қилган ишлари ҳали ҳам бутун Британия монархлари сулоласи учун шармандали деб аталади.
Шаҳзода Эндрю
Қироллик оиласининг яна бир “ажралиб турувчи” меросхўри Елизавета II нинг ўғли шаҳзода Эндрю ҳисобланади деб аташ мумкин. 2021 йилда америкалик фуқаро Виржиния Жуффре уни зўравонликда айблаган.
Қизнинг эълон қилинган мактубидан сўнг, шаҳзода Эндрю Виржиния билан илгари ҳеч қачон учрашмагани ҳақида баёнот берди. Бироқ бир неча ойлик суд жараёнларидан сўнг, Елизавета II ўғлини ҳарбий унвон ва бошқа унвонлардан маҳрум қилди.
Пэрис Ҳилтон
Пэрис Ҳилтон ёшлигида номақбул ишларни қилмаганида оилавий бизнеснинг меросхўрига — дунёдаги энг йирик меҳмонхоналар тармоғи Hilton’нинг эгасига айланиши мумкин эди. Унинг ҳаётидаги кўплаб жанжаллар 2000 йилда, Голливуд актрисаси Памела Андерсоннинг собиқ турмуш ўртоғи Рик Саломон билан учрашишни бошлаганида юзага келди. Жуфтлик ажрашганидан бир неча йил ўтгач, ижтимоий тармоқларда Пэрис Ҳилтон ва Рик Саломон иштирокидаги видео пайдо бўлди.
Кейинчалик, 2006 йилда Пэрис Ҳилтон маст ҳолда машина бошқаргани учун ҳибсга олинган. Судда у ўз айбига иқрор бўлган ва 1500 доллар жарима, уч йиллик синов муддатига ҳукм қилинди. Бир йил ўтгач, Ҳилтоннинг меросхўри ҳайдовчилик гувоҳномаси бекор қилингани сабабли ҳибсга олинди. У суд келишуви шартларини бузганлиги учун 45 кунлик қамоқ жазосига ҳукм қилинди.
Пэрис ёшлигидаги ишларга қарамай, тинч оилавий ҳаётда бахт топди. У 2021 йилда социалист-бизнесмен Картер Рим билан турмуш қурди. Аммо бу ҳам машҳур ота-оналарда Пэрисни яна васиятномага киритиш истагини уйғотмади.
Малия Обама
АҚШ собиқ президентининг меросхўри Малия Обама ёш бўлишига қарамай, “қулоқсиз”лиги билан обрў қозонишга муваффақ бўлган. У мактабни тугатгандан сўнг, ёшлигидан завқланиш учун коллежга қадар эркин бўлишга ҳаракат қилди. Барча қизиқарли воқеалар Малия 18 ёшга тўлган куни бошланди. Қизалоқ Чикагодаги “Лоллапалуза” мусиқа фестивалида дўстлари билан кўнгилхушлик қилди, ўша пайтда дам олувчилар уни ноқонуний моддаларни истеъмол қилаётган вақтда суратга олган. Малиянинг бу иши нафақат қаттиққўл отасининг, балки кўплаб америкаликларнинг норозилигига сабаб бўлди.
Ижтимоий тармоқларда Малиянинг суратлари яна пайдо бўлгач, Барак Обама қизини даволаниши учун шифохонага юборди. Кейинроқ маълум бўлишича, бу қизга яхши сабоқ бўлди. У 2017 йилда Гарвардда талаба бўлди ва ҳозирда кино саноатида фаолият юритади.
Стефания Гримальди
Грэйс Келли ва шаҳзода Раненинг қизи Стефания Гримальди нафақат онасининг муваффақиятини такрорлаши, балки туғилишиданоқ ўз уйида яшаган Марк Боан ёки Эдит Ҳед каби ҳақиқий моделер-дизайнерга айланиши мумкин эди, аммо унинг тақдири бошқача бўлди. Стефания 18 ёшида барча базмларнинг асосий юлдузига айланди. Папарацсилар вақти-вақти билан уни шубҳали йигитлар даврасида учратганини маълум қилди. Малика 1991 йилда ўзининг қўриқчиси Дэниэл Дюкруэ билан учраша бошлади. Отасининг тақиқларига қарамай, Стефания Дэниэл билан икки фарзадни тарбиялади ва орадан икки йил ўтгач, уларнинг муносабатлари бузилди.
Кейинчалик Стефания учинчи фарзандини дунёга келтиришини маълум қилди. Маликанинг бу фарзандининг отаси малика Жан-Раймон Готтлибнинг яна бир қўриқчиси эди, бироқ бу муносабатлар ҳам узоққа бормади. Малика 2001 йилда турмушга чиққан фил ўргатувчи Франко Кнее билан яхши муносабатда бўлди ва ҳатто унинг цирк трейлерига кўчиб ўтди.
Жейси Чан
Жеки Чаннинг ёлғиз ўғли Жейси Чан отасининг изидан бориб, актёр бўлмоқчи эди. Бироқ реклама учун катта миқдордаги маблағ сарфланганига қарамай, у ҳамма жойда муваффақиятсизликка учради. Жейси Чан 2014 йилда ноқонуний моддаларни сақлагани учун ҳибсга олиниб, олти ойлик қамоқ жазосига ҳукм қилинди. Унинг дунёга машҳур отаси суд жараёнига аралашмади. Бундан ташқари, у бу жазога ҳукм қилинмасдан бир оз олдин Жеки Чан Хитой полициясидан гиёҳванд моддаларга қарши кураш бўйича элчи унвонини олган эди. Бундан ташқари, актёр бир неча бор гиёҳванд моддаларга қарам инсонларга ўлим жазосини якуний жазо сифатида қўллашни тарғиб қилган. Кейинчалик актёр ўғли учун омма олдида узр сўради ва ўлимидан сўнг барча мол-мулкини хайрия ташкилотларига беришини айтди.
Изоҳ (0)