Қозоғистон Энергетика вазирлиги Қозоғистон, Россия ва Ўзбекистон ўртасидаги газ саноатидаги уч томонлама ҳамкорлик ҳақидаги маълумотга изоҳ берди. Бу ҳақда Ulysmedia.kz хабар берди.
Энергетика вазирлигининг таъкидлашича, “газ иттифоқи”ни яратиш ташаббуси Россия томонидан 2022 йил ноябрида эълон қилинган.
- “На Россия, на Ўзбекистон томонидан бу борада расмий таклифлар бўлган. Мазкур давлатлар билан газ соҳасида ҳамкорлик икки томонлама форматда ўзаро манфаатли шериклик асосида амалга оширилмоқда”, — дейди Қозоғистон Энергетика вазирлиги расмий вакили Шингис Ильясов.
Вазирлик Қозоғистон газ транспорти тизими Россия газини Ўзбекистонга транзит қилиш учун имкониятларга эга эканини таъкидлайди.
“Шуни инобатга олиб, Қозоғистон ҳукумати ва ‘Газпром’ ўртасида Россия газини Ўзбекистонга ташиш учун ‘Марказий Осиё – Марказ’ магистрал газ қувурини тайёрлаш бўйича чора-тадбирлар режаси имзоланди.
Бугунги кунда Россия газини Қозоғистон орқали Ўзбекистонга олиб ўтиш учун ‘Марказий Осиё – Марказ’ газ қувурининг Қозоғистон қисмини техник жиҳатдан тайёрлаш бўйича ишлар олиб борилмоқда, бу 1-октябрда якунланиши режалаштирилган”, — дейилади хабарда.
Эслатиб ўтамиз, 2023 йил январида Қозоғистон ва Ўзбекистон энергетика вазирликлари “Газпром” билан ҳамкорлик режасини имзолаган.
Ўз навбатида, Ўзбекистон энергетика вазири Жўрабек Мирзамаҳмудов декабрь ойида Ўзбекистон қўшни давлатлардан газ ва электр энергиясини қандайдир альянс ёки иттифоқ орқали эмас, балки тижорат шартномалари асосида импорт қилиш ниятида эканини айтганди.
Россия “газ иттифоқи”га бошқа давлатлар ҳам қўшилиши мумкинлигини билдирди
Россия Ташқи ишлар вазирлигининг Иқтисодий ҳамкорлик департаменти директори Дмитрий Биричевский Россия Қозоғистон ва Ўзбекистон иштирокидаги “уч томонлама газ иттифоқини” кенгайтириши мумкинлиги ва “бошқа давлатлар” ҳам бунга қизиқиш билдираётганини айтди.
Туркманистон бундан хавотирланди
“Қандай ‘кенгайиш имкониятлари’ ҳақида гап кетмоқда, қайси ‘бошқа давлатлар’ унга қизиқиш билдирмоқда, газ соҳасидаги ‘уч томонлама ҳамкорлик’ ортида, қоида тариқасида, нима турибди? Бу аниқликни талаб этади, чунки бу бошқа давлатларнинг, жумладан Туркманистоннинг манфаатларига ҳам таъсир қилади”, — деди “Туркмангаз” давлат концерни раиси ўринбосари Мирад Арчаев.
У Туркманистон, Қозоғистон ва Ўзбекистон Хитойга газ етказиб бериш бўйича ҳамкорлик қилаётганини эслатди ва Россияни Марказий Осиёдан Хитойга табиий газ етказиб бериш занжирида ўз таъсирини кенгайтиришга уринишдан огоҳлантирди.
Изоҳ (0)