Қозоғистон суюлтирилган газни автомобиль ва темир йўл орқали экспорт қилишга уч йиллик тақиқ жорий қилмоқчи. Бу ҳақда Қозоғистон Энергетика вазирлиги матбуот хизматига таяниб, KazTAG хабар берди.
Қозоғистон Энергетика вазирлиги қарор кучга кирган кундан бошлаб суюлтирилган газни машинада уч йилга, темир йўл транспортида эса олти ой муддатга экспорт қилишни тақиқлаш бўйича буйруқ лойиҳасини ишлаб чиқди. Айни пайтда мазкур қарор очиқ норматив-ҳуқуқий ҳужжатлар порталида эълон қилинган.
Мамлакатда суюлтирилган нефть газининг чакана нархларини давлат томонидан тартибга солиш жорий этилган. Бунинг натижасида аҳоли ва кўплаб саноат корхоналарининг ушбу турдаги ёқилғига талаби ошди.
Шу тариқа 2022 йилда ички бозорда истеъмол 2021 йилга нисбатан 28 фоизга ошди. Шунингдек, 2023 йилнинг 6 ойи давомида ўтган йилнинг шу даврига нисбатан истеъмолнинг ўсиши 100 минг тоннага яқинни ташкил этди.
Изоҳ (0)