Қирғизистон август ойида Қозоғистон жанубидаги Жамбил вилоятини суғориш суви билан таъминлашни тўхтатди ва бу вилоятдаги экинларни хавф остига қолдирди. Бу ҳақда Қозоғистон Экология ва табиий ресурслар вазирлиги бу ҳақда маълумот берди.
9 август ҳолатига Талас дарёси ҳавзасидаги Киров сув омборининг ҳажми 32,48 миллион куб метрни ташкил этиб, 2022 йилнинг шу даврига нисбатан 144,8 миллион куб метрга кам (177,28 миллион куб метр) ташкил этилган.
Август ойида 2022 йилги жадвалга кўра, Қозоғистонга Талас дарёси бўйлаб 45 м3/с сув етказиш керак бўлган, амалда эса таъминланмаган.
Ҳозирда Қирғизистоннинг Талас сув хўжалиги хизмати билан “Т.Батуров номидаги Жамбил давлат туман электр станцияси фаолиятини қўллаб-қувватлаш, шунингдек, Талас дарёси ўзанида экологик мувозанатни сақлаш мақсадида сув омборидан камида 5 м3/с сув ажратиш бўйича музокаралар олиб борилмоқда.
Суғориш суви танқислиги Қозоғистон жанубий вилоятининг бир қанча туманларида кучли сезилмоқда. Киров сув омборидан сув етишмаслиги 4000 гектарга яқин ўтлоқлар ва қанд лавлаги экиладиган майдонларни хавф остига қўяди.
Муаммоларни ҳал қилиш учун Қозоғистон вазирлиги раҳбари ўринбосари Галидулла Азидуллин айни дамда Жамбил вилоятида.
Изоҳ (0)