Одри Хепбёрннинг 1961 йилда суратга олинган “Тиффанидаги нонушта” кинокартинасида кийган пушти либоси Julien’s Auctions ва Turner Classic Movies томонидан аукционга қўйилди.
Аукционда ҳаммаси бўлиб 1400 дан ортиқ Голливуд мода ёдгорликлари сотилади. Масалан, унда “Юлдузлар жанги”, “Ўзга сайёралик”, “Темир одам” ва бошқа фильмлардаги реквизитлар сотувга қўйилган.
Аукционда малика Диананинг бир нечта оқшом либослари ҳам намойиш этилади. Ушбу машҳур либос, шунингдек, малика Диананинг либослари сотиладиган аукцион 2023 йилнинг сентябрь ойида бўлиб ўтади.
Бироқ аукциондаги энг машҳур нарса — Хепбёрн кийган либос бўлади, чунки у жамоатчиликда катта қизиқиш уйғотган.
Юбер Де Живанши бу либосни шойи атлас ва органза матосидан ўзининг илҳом париси Одри Хепбёрн учун яратган. У зарлар, мунчоқлар ва тилларанг аппликациялар билан безатилган.
Унинг нархи 100 000 доллардан 400 000 долларгача бўлиши кутилмоқда.
Изоҳ (0)