Ўзбек шоу-бизнесининг бир нечта вакиллари тез орада она бўлишга тайёргарлик кўрмоқда. Қуйида шу каби фарзанд кутаётган машҳурлар ҳақида маълумот берилади.
Дилноза Аҳророва
Машҳур актёр, режиссёр Азамат Аҳроровнинг рафиқаси Дилноза Аҳророва Instagram саҳифасида учинчи бор она бўлишини маълум қилди. Жуфтликнинг Азизмуҳаммад исмли ўғли ва Сафия исмли қизи бор.
Ганя Усмонова
Миллиардер Алишер Усмоновнинг жияни, инстаблогер Ганя Усмонова иккинчи бор она бўлади. Унинг ҳозирда Меҳринур исмли қизи бор. Инстаблогер туғилажак фарзанди ҳам қиз эканлигини айтган.
Камола Орипова
Марҳум хонанда Мўмин Ориповнинг рафиқаси, инстаблогер Камола Орипова тўртинчи бор она бўлишини маълум қилди. Унинг биринчи турмушидан Билолхўжа исмли ўғли, ҳозирги турмушидан эса икки нафар қизалоғи бор.
Шаҳзода Муҳаммедова
Актриса, дизайнер Шаҳзода Муҳаммедова Парижга саёҳати давомида иккинчи бор она бўлишини, туғилажак фарзанди ўғил эканини маълум қилди. Унинг Милана исмли қизалоғини Instagram’да миллионлаб киши кузатиб боради.
Малика Авазова
Актриса Малика Авазова илк бор оналик бахтига муяссар бўлади. Актриса бир қанча лойиҳадаги роллари билан томошабинларнинг қалбидан жой олган.
Хонзода Қамбарова
Инстаблогер Хонзода Қамбарова Instagram саҳифасида учинчи бор она бўлишини маълум қилди. Ханна тахаллуси остида ижод қилаётган актрисанинг Сафия ва Самина исмли қизи бор.
Дилбар Зокирова
Маҳоратли актриса Раъно Зокированинг келини Дилбар Зокирова ҳам илк бор она бўлади. Актриса ҳозирда турмуш ўртоғи Умид Зокиров билан Instagram’да турли хил вайнлар суратга олмоқда.
Изоҳ (0)