Истанбулнинг Эюпсултон туманида аэропорт қурилишида иштирок этган ишчиларни олиб кетаётган автобус ағдарилиб кетди. Бу ҳақда TRT Haber телеканали хабар берди.
Маълум қилинишича, автобус номаълум сабабга кўра кўприкда бошқарувни йўқотган ва тахминан олти метр баландликдан қулаб тушган. Машинада ҳайдовчи ва 40 нафар ходим бўлган, 27 киши жароҳатланган.
Дастлабки маълумотларга кўра, бахтсиз ҳодисага тормоз ишламай қолгани сабаб бўлган.
30 июль куни Туркияда иккита автобус ҳалокатга учраганди. Оқибатда қурбонлар ва жароҳатланганлар қайд этилган.
Биринчи фожиа Карс вилоятида юз берган. Ҳайдовчи бошқарувни йўқотиб қўйган ва автобус 50 метрлик қоядан қулаган. Етти киши ҳалок бўлган, яна 22 киши жароҳатланган.
Иккинчиси эса Алания шаҳрида ичида қозоғистонлик сайёҳлар бўлган микроавтобус аварияга учраган. Ҳайдовчи ва гид ҳалок бўлган, 12 нафар йўловчи турли тан жароҳатлари билан шифохонага етказилган.
Изоҳ (0)