Покистонда йўловчи автобуси кўприкка урилиб, жарга қулаб тушди ва ёниб кетди. Бу ҳақда The News International маҳаллий портали хабар бермоқда. Автобус ичида 44 киши тириклайин ёниб кетган. Фожиа Белужистон вилоятининг Ласбела шаҳри яқинида содир бўлган.
Ҳодиса вақтида автобусда жами 48 киши бўлган. Улардан тўрт нафари тирик қолган, омон қолганлар орасида бир аёл ва бола бор. Ҳалокатдан кейин автобусдан чиқишга муваффақ бўлганлар тиббий муассасаларга етказилган.
Ҳозирда воқеа жойида фавқулодда хизматлар ишламоқда. Улар ҳам авария сабабини, ҳам жасадларнинг шахсини аниқлашга ҳаракат қилмоқда. Маҳаллий ҳокимият маълумотларига кўра, жасадлар ёнғинда қаттиқ куйган, шу сабаб ДНК таҳлилисиз уларнинг шахсини аниқлаш имконсиз. Дастлабки маълумотларга кўра, йўл-транспорт ҳодисаси ҳайдовчининг тезликни ошириб, бошқарувни йўқотиши туфайли содир бўлган.
Изоҳ (0)