Istanbulning Eyupsulton tumanida aeroport qurilishida ishtirok etgan ishchilarni olib ketayotgan avtobus ag‘darilib ketdi. Bu haqda TRT Haber telekanali xabar berdi.
Ma’lum qilinishicha, avtobus noma’lum sababga ko‘ra ko‘prikda boshqaruvni yo‘qotgan va taxminan olti metr balandlikdan qulab tushgan. Mashinada haydovchi va 40 nafar xodim bo‘lgan, 27 kishi jarohatlangan.
Dastlabki ma’lumotlarga ko‘ra, baxtsiz hodisaga tormoz ishlamay qolgani sabab bo‘lgan.
30-iyul kuni Turkiyada ikkita avtobus halokatga uchragandi. Oqibatda qurbonlar va jarohatlanganlar qayd etilgan.
Birinchi fojia Kars viloyatida yuz bergan. Haydovchi boshqaruvni yo‘qotib qo‘ygan va avtobus 50 metrlik qoyadan qulagan. Yetti kishi halok bo‘lgan, yana 22 kishi jarohatlangan.
Ikkinchisi esa Alaniya shahrida ichida qozog‘istonlik sayyohlar bo‘lgan mikroavtobus avariyaga uchragan. Haydovchi va gid halok bo‘lgan, 12 nafar yo‘lovchi turli tan jarohatlari bilan shifoxonaga yetkazilgan.
Izoh (0)