Бухоро шаҳрида фаолият юритиб келаётган корхона электр ҳисоблагичга ташқи таъсир кўрсатиши натижасида тизимга 2 миллиард сўмлик зарар етказилди. Бу ҳақда “Ўзэнергоинспекция” матбуот хизмати хабар берди.
Унга кўра, Энергетика вазирлиги ҳузуридаги “Ўзэнергоинспекция” ва ҳуқуқни муҳофаза қилувчи органлар билан биргаликда жойларда ўтказилаётган назорат тадбирларида Бухоро шаҳрида фаолият юритиб келаётган “М.Т.” МЧЖ томонидан электр энергиясидан ноқонуний фойдаланиш ҳолати аниқланди.
Мазкур корхона томонидан фойдаланилган электр энергиясини камайтириб кўрсатиш мақсадида электр ҳисоблагичга ташқи таъсир кўрсатилганлиги маълум бўлди. Натижада 4,4 миллион кВт/соат ҳисобга олинмаган электр энергияси бўйича 2 миллиард сўм миқдорида қайта ҳисоб-китоб ишлари амалга оширилди.
Қоидабузар истеъмолчига нисбатан белгиланган тартибда чоралар кўрилиб, тегишли ҳужжатлар ҳуқуқни муҳофаза қилувчи органларга тақдим этилди. Назорат тадбирлари давом этмоқда.
Изоҳ (0)