Машҳурлар экранда меҳрибон ва мулойим қаҳрамонларни гавдалантирса-да, уларнинг баъзилари ҳаётда бунинг бутунлай акси бўлиши мумкин.
Стивен Сигал ҳамкасбларини ҳақорат қилган
Стивен Сигал кинодаги фаолиятини 1982 йилда жанг санъати бўйича мутахассис сифатида бошлаган. 1988 йилда актёрга дунё миқёсида шуҳрат келтирган “Қонун устида” фильми экранларга чиқади. Ушбу картинанинг кейинги қисмлари бундай муваффақиятга эриша олмайди, аммо улар Стивен Сигалнинг кучли қаҳрамонларни ўйнайдиган шахс сифатидаги мақомини мустаҳкамлаб беради. Кейинчалик актёр “Ватанпарвар”, “Чет эллик”, “Maчете” каби фильмларда суратга тушади.
Аммо Сигал фильмларда яхши қаҳрамон ролини ўйнаса-да, унинг суратга олиш майдончасидаги хатти-ҳаракатларини намунали деб бўлмайди. Ҳамкасблари актёр шерикларини ҳақорат қилиши ва баъзида жисмоний куч ишлатиши мумкинлигидан шикоят қилади.
Кристиан Бэйл операторни сўккан
Кристиан Бэйл ўз фаолиятини жуда эрта бошлаган — 10 ёшида у “Анастасия: Аннанинг сири” телефильмидаги биринчи ролини ўйнайди. Кейинчалик Стивен Спилберг уни пайқаб қолади ва “Қуёш империяси” фильмида суратга тушишга таклиф қилади. Шундан сўнг Бэйл кўплаб ролларни ижро этади, доимий равишда турли хил персонажларни ўйнайди: “Америкалик психопат ва “Машинист” фильмларида ақли заиф одамлардан тортиб Кристофер Нолан картиналаридаги Бетмен ва иллюзионистгача.
Бэйл 2009 йилда “Терминатор: нажоткорнинг келиши” фильмидаги хатти-ҳаракати учун баҳс-мунозараларга сабаб бўлди. Актёр операторни баланд овозда сўкади, уни ишдан бўшатишни талаб қилади, суратга тушишдан бош тортиш билан таҳдид қилади. Аммо кейинчалик актёрнинг омма олдида кечирим сўрашига ва фильм устида ишлашни давом эттиришига тўғри келади.
Эдвард Нортон Marvel’ни хафа қилган
Эдвард Нортон 1996 йилда кинода дебют қилади ва бир неча йил ўтиб катта юлдузга айланади — буларнинг барчаси “Жангчилар клуби”, “Америка тарихи Х” фильмлари туфайли. Танқидчилар ҳар доим унинг ифодали ва мувозанатсиз персонажларни ўйнаш қобилиятини қайд этишган.
Экрандаги ва реал ҳаётдаги образлар баъзан бирлашади. Фаолиятининг бошида ҳам у суратга олиш майдончасидаги экстравагант хатти-ҳаракатлари билан машҳур эди. “Ғаройиб Халк”дан кейин Нортон ҳамманинг ҳафсаласини пир қилади — шу сабабли актёр энди Marvel фильмларига чақирилмайди. У доимий равишда сценарий муаллифлари ва режиссёрларнинг ишига аралашиб, бутун жамоага таъсир ўтказишга ҳаракат қилади. 2014 йилда Нортон “Бёрдмен” фильмида роль ўйнайди, мазкур фильмда айнан ўзини ўйнаган — бир оз асабий, аммо истеъдодли актёр.
Марлон Брандога чидаб бўлмас эди
Марлон Брандо бир нечта ажойиб фильмларда роль ўйнаган, ҳар сафар бир-биридан бутунлай бошқача персонажларни ижро этган. 48 ёшида у “Чўқинтирган ота”да Вито Корлеоне ролини ўйнайди, гарчи қаҳрамон анча ёши катта бўлса ҳам ўша йили Бернардо Бертолуччининг энг кучли драмаларидан бири бўлган “Париждаги сўнгги танго”да иштирок этади. Ҳар қандай режиссёр ажойиб актёр билан ишлашни хоҳлайди, лекин улар актёрнинг ўзига хос феъл-атворига чидашлари керак эди.
Френсис Форд Копполанинг “Ҳозирги апокалипсис” фильмида суратга тушишга рози бўлган Марлон Брандо ишга тайёргарликни эътиборсиз қолдиради. Актёр сабаб суратга олиш ишлари кечикади, камига у семирган ҳам эди. Натижада Коппола актёр озғин кўриниши учун кадрларни қайта кўриб чиқишга мажбур бўлади: унинг қаҳрамонида ортиқча вазн бўлиши мумкин эмасди. Брандо актёрлик фаолиятини тўхтатгач ҳам режиссёрларнинг қулоғи тинчимайди: актёр уларга қўнғироқ қилиб, маслаҳат ва ғоялар билан безовта қилади.
Майк Майерс жуда кўп эътибор талаб қилган
Майерс аввалига комик сифатида иш бошлайди, кейинчалик актёр бўлади. Карьерасининг чўққиси “Остин Пауэрс” трилогиясидаги бош ролдир. Комедиялар актёрнинг истеъдодини очиб беради ва уни супер юлдузга айлантиради.
Кулгили қаҳрамонларни гавдалантирган бўлса-да, Майерс билан ишлаш ҳамкасбларининг жонига текканди. Уларнинг таъкидлашича, актёр суратга олиш майдончасида ўзини жуда ғалати тутган. У ҳеч ким билан тинчгина гаплаша олмасди, шунингдек, ўзига ҳаддан ортиқ эътибор талаб қилади. Шунингдек, актёр доимий равишда суратга олиш жараёнига аралашади, шу жумладан ўзига ёқмаган ходимни ишдан бўшатишни талаб ҳам қилган.
Изоҳ (0)