Тошкентнинг айрим ҳудудларида 8 август куни электр энергияси таъминоти вақтинча тўхтатилади. Бу ҳақда “Ҳудудий электр тармоқлари” АЖ Тошкент шаҳар филиали ахборот хизмати хабар берди.
Унга кўра, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш, куз-қиш мавсумига пухта тайёргарлик кўриш мақсадида эртага, 8 август куни қуйидаги манзилларда электр таъминоти вақтинча ўчирилади:
- Яккасарой тумани: “Муҳандислар” МФЙнинг айрим кўчаларида соат 09:00 дан 16:00 гача;
- Сергели тумани: “Хонобод” МФЙнинг айрим кўчаларида соат 10:00 дан 16:00 гача.
Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкин.
Шунингдек, куз-қиш мавсумига тайёргарлик кўриш ишлари олиб борилиши муносабати билан 8 август куни соат 11:00 дан 16:00 гача Сергели туманининг қуйидаги истеъмолчиларга табиий газ бериш вақтинча тўхтатилади.
Аҳоли истеъмолчилар:
- “Эшонбулоқ” МФЙ Муқанна, Хонабод кўчаларидаги 285 та ерли хонадон;
- “Олтин водий” МФЙ Аэропорт ҳудуди, М.Ҳайдар кўчаларидаги 330 та ерли хонадон.
Улгуржи истеъмолчилар:
- “Эшонбулоқ” МФЙ Муқанна, Хонабод кўчаларидаги 10 та улгуржи истеъмолчи;
- “Олтин водий” МФЙ Аэропорт ҳудуди, М.Ҳайдар кўчаларидаги 2 та улгуржи истеъмолчи.
Етказилаётган ноқулайликлар учун газ таъминоти филиали истеъмолчилардан узр сўрайди.
Июль охирларида Яшнобод, Олмазор, Миробод, Яккасарой, Шайхонтоҳур, Чилонзор ва Сергели туманларининг баъзи ҳудудларида юклама сабаб электр энергияси таъминотига вақтинча чекловлар киритилган эди. Август бошларида эса Тошкентнинг қатор туманларида электр, иссиқ сув ва газ таъминотлари вақтинча тўхтатилган.
Изоҳ (0)