Toshkentning ayrim hududlarida 8-avgust kuni elektr energiyasi ta’minoti vaqtincha to‘xtatiladi. Bu haqda “Hududiy elektr tarmoqlari” AJ Toshkent shahar filiali axborot xizmati xabar berdi.
Unga ko‘ra, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarning oldini olish, kuz-qish mavsumiga puxta tayyorgarlik ko‘rish maqsadida ertaga, 8-avgust kuni quyidagi manzillarda elektr taʼminoti vaqtincha o‘chiriladi:
- Yakkasaroy tumani: “Muhandislar” MFYning ayrim ko‘chalarida soat 09:00 dan 16:00 gacha;
- Sergeli tumani: “Xonobod” MFYning ayrim ko‘chalarida soat 10:00 dan 16:00 gacha.
O‘z navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkin.
Shuningdek, kuz-qish mavsumiga tayyorgarlik ko‘rish ishlari olib borilishi munosabati bilan 8-avgust kuni soat 11:00 dan 16:00 gacha Sergeli tumanining quyidagi isteʼmolchilarga tabiiy gaz berish vaqtincha to‘xtatiladi.
Aholi isteʼmolchilar:
- “Eshonbuloq” MFY Muqanna, Xonabod ko‘chalaridagi 285 ta yerli xonadon;
- “Oltin vodiy” MFY Aeroport hududi, M.Haydar ko’chalaridagi 330 ta yerli xonadon.
Ulgurji isteʼmolchilar:
- “Eshonbuloq” MFY Muqanna, Xonabod ko‘chalaridagi 10 ta ulgurji iste’molchi;
- “Oltin vodiy” MFY Aeroport hududi, M.Haydar ko‘chalaridagi 2 ta ulgurji iste’molchi.
Yetkazilayotgan noqulayliklar uchun gaz taʼminoti filiali isteʼmolchilardan uzr so‘raydi.
Iyul oxirlarida Yashnobod, Olmazor, Mirobod, Yakkasaroy, Shayxontohur, Chilonzor va Sergeli tumanlarining ba’zi hududlarida yuklama sabab elektr energiyasi ta’minotiga vaqtincha cheklovlar kiritilgan edi. Avgust boshlarida esa Toshkentning qator tumanlarida elektr, issiq suv va gaz ta’minotlari vaqtincha to‘xtatilgan.
Izoh (0)