Саудия Арабистони яна 8 та давлатга электрон виза бериш хизматини тақдим этди. Бу ҳақда Саудия туризм вазирлиги хабар берди.
Бунгача Саудия Арабистонига киришда 49 та давлат фуқаролари электрон виза тартибидан фойдалана олар эди. Эндиликда улар қаторига Альбания, Озарбайжон, Грузия, Қирғизистон, Малдив ороллари, Жанубий Африка, Тожикистон ва Ўзбекистон қўшилди.
Ўзбекистонликлар 146 доллар эвазига Қироллик туризм вазирлигининг махсус портали орқали онлайн виза олиши мумкин.
Ушбу виза билан йил давомида Умра ҳамда мамлакат бўйлаб саёҳат қилиш мумкин бўлиб, амал қилиш муддати 90 кунни ташкил қилади.
Электрон виза Ҳаж қилиш, Саудия Арабистонида яшаш, ишлаш ҳуқуқини бермайди.
Маълумот учун, 2023 йил 1 январдан Ўзбекистонда Саудия Арабистони фуқаролари учун 30 кунлик визасиз режим жорий қилинган.
Изоҳ (0)