Тожикистонинг Сўғд вилоятида яшовчи 15 ёшли қиз 3 июль куни кечқурун Сирдарёдаги тақиқланган жойда чўмилаётган вақтда чўкиб кетди.
![](/static/2023/zulfiya/photo_2023-07-04_21-26-36.jpg)
Воқеа жойига вилоят Фавқулодда вазиятлар бошқармаси қутқарувчилардан иборат навбатчи гуруҳ юборилган.
“Қидирув ишлар олиб борилгандан сўнг қизнинг жасади топилиб, ҳуқуқ-тартибот идораларига топширилган”, — дейди Тожикистон Фавқулодда вазиятлар қўмитаси.
Ўтган кун давомида Тожикистоннинг қатор ҳудудларида сел оқимлари қайд этилган.
3 июль куни Сўғд вилоятининг Водиф қишлоғида лой-тош массаси аҳоли пунктлариаро йўлларни тўсиб қўйган. Тоғ чўққиларида жазирама ва қор эриши туфайли сув омборларида сув сатҳи кўтарилган.
“Оқибатда Водиф қишлоғи саёзидаги сув қирғоқларидан ошиб кетган. Лой-тош массаси Водиф, Дехавз ва Деҳисор қишлоқларидаги аҳоли пунктлариаро йўлларни тўсиб қўйган”, — дейилади хабарда.