Наманган вилояти Фавқулодда вазиятлар бошқармаси шу кунларда вилоятдаги сув ҳавзаларига чўкиб кетган фуқароларнинг қидируви бўйича маълумот берди.
Қайд этилишича, Наманган вилояти ФВБга келиб тушган хабарга асосан Норин туманидан оқиб ўтувчи Қорадарёга икки нафар — 12 ва 14 ёшли вояга етмаган ўғил болалар чўкиб кетган бўлиши мумкин. Ҳозирда қидирув-қутқарув гуруҳи томонидан сувости ҳамда туман ёнғин-қутқарувчилар томонидан сув усти қидирув ишлари олиб борилмоқда.
Бундан ташқари, вилоятнинг Учқўрғон тумани Катта Андижон каналида 17 июль кунидан 30 ёшли, 23 июль кунидан эса Поп тумани Сирдарё дарёсида 50 ёшли фуқароларни ҳам сувости ва сув усти қидирув ишлари олиб бориляпти.
“Ҳурматли фуқаролар ёз мавсумида содир бўлиши мумкин бўлган чўкиш билан боғлиқ бахтсиз ҳодисалардан фарзандларингизни эҳтиёт қилинг”, — дейилади хабарда.
Июнь бошларида Тошкент вилоятининг Янгийўл шаҳридан оқиб ўтувчи Жўнариқ каналида 16 ёшли бола чўкиб кетганди. Унинг жасади бир кун ўтиб, 4 июнда топилган. Фарғона вилояти Қўштепа туманида эса 25 май куни Катта Фарғона каналига чўмилишга борган мактаб битирувчиларидан бири сувдан қайтиб чиқмаган. 9 кун давомида қидирув ишлари натижасида унинг жасади 3 июнь куни топилган.
Изоҳ (0)