Россия ва Украина ўртасида кенг кўламли уруш бошланганидан кейин Вашингтон Киевни қўллаб-қувватлаш учун 66 миллиард доллардан ортиқ маблағ юборди. Шундан 43 миллиарди ҳарбий ёрдамга, 20,5 миллиарди иқтисодий ёрдамга ва 2,6 миллиарди гуманитар ёрдамга тўғри келди, деб ёзмоқда Тhе Washington Post.
Нашр билан суҳбатлашган экспертларнинг айтишича, бу сумма АҚШнинг Иккинчи жаҳон урушидан буён бирорта давлатга кўрсатган энг катта кўмагидир.
Пентагоннинг 2023 йилги мудофаа бюджети 1,77 триллион доллар бўлган бир пайтда, 66 миллиард доллар кичик миқдор кўринса-да, АҚШнинг бошқа мамлакатларни қўллаб-қувватлаши билан солиштирганда, бу жуда катта маблағ. Масалан, 2022—2023 йилларда Исроил АҚШдан 8,6 милиард доллар олган.
Мутлақ маънода, АҚШ уруш бошланганидан бери Украинанинг энг катта донори бўлди. Аммо агар турли мамлакатларнинг Украинани қўллаб-қувватлаш миқдори уларнинг ялпи ички маҳсулотидаги улуши бўйича таққосланса Қўшма Штатлар 12-ўринда туради. Бу борада Болтиқбўйи мамлакатлари етакчи: масалан, Эстониянинг Украинага ёрдами мамлакат ялпи ички маҳсулотнинг 1,26 фоизига тенг.
Изоҳ (0)