Рейтинг муаллифи америкалик киношунос, 2018 йилги Берлин кинофестивали ҳакамлар ҳайъати аъзоси — Стефани Захарек. У, шунингдек, 2015 йилда The Village Voice нашрида кино ҳақида ёзган материали учун Пулицер мукофотига номзод бўлган.
Киношуноснинг сўзларига кўра, у танлов давомида маҳорат ва руҳ бир-бирига боғланган, чуқур ҳаяжонга солувчи фильмларга дуч келган. Рўйхатга киритилган барча кинокартиналар улар суратга олинган даврни аниқ акс эттиради.
Ҳар ўн йиллик бўйича ўнта фильм рўйхатга киритилган, бироқ улар “энг яхшисидан ёмонига” тамойили бўйича тақсимланмаган. Рейтингдаги энг қадимги картина — немис режиссёри Роберт Виненинг “Шифокор Калигари кабинети” (1920 йили) овозсиз фильми, энг янгиси эса — Квентин Тарантинонинг “Бир пайтлар Голливудда” (2019 йил) картинаси.
2010 йилнинг энг яхши 10 та фильмига “Муқаддас моторлар корпорацияси” (2012 йил), “Фақат севишганлар омон қолади” (2013 йил), “Феникс” (2014 йил), “Селма” (2014 йил), “Мен негр эмасман” (2016 йил), “Йўқолган Z шаҳри” (2016), “Ой нури” (2016) ва “Кичик аёллар” (2019 йил) лойиҳалари киритилган.
Рейтингдаги энг машҳур фильмлар қаторида “Шамолларда қолган ҳисларим” (1939 йил), “Велосипед ўғрилари” (1948 йил), “Бош айланиши” (1958), “Жаззда фақат қизлар” (1959 йил), “Нафас” (1960 йил), “Психо” (1960 йил), “Париждаги сўнгги танго” (1972 йил), “Чўқинтирган ота-2” (1974 йил), “Таксичи” (1976 йил) ва бошқа кинокартиналар бор.
Изоҳ (0)