NASA texnik sabablarga ko‘ra aloqani yo‘qotgan sayyoralararo Voyager-2 zondidan tasodifan “hayot signalini” qabul qildi. Bu haqda Smithsonian magazine nashri xabar berdi.
Agentlik zond bilan aloqani tiklamagan bo‘lsa-da, uning uzatuvchi uskunasidan kelib tushgan signal apparat uzoq koinotda hamon ishlayotganidan dalolat beradi.
21-iyul kuni NASA tomonidan Voyager-2 kosmik apparatiga yuborilgan bir qator buyruqlar javobsiz qolgandi. Bunga apparat antennasining Yerdan 2 darajaga siljishi sabab bo‘lgan. Oqibatda Voyager-2 buyruqlarni qabul qilolmay, Yerga esa ma’lumotlarni uzatolmay qolgan.
Hozircha Voyager-2 dan umid uzilgani yo‘q — uskuna yiliga bir necha marta o‘z yo‘nalishini o‘zgartirishga dasturlashtirilgan, keyingi o‘zgarish oktabrga rejalashtirilgan. Bu aloqani davom ettirishga imkon berishi mumkin, ammo NASA zond eʼtiborini jalb qilish uchun undan oldin signallarni yuborishni rejalashtirmoqda.
- Voyager-1 zondi va uning “egizak ukasi” Voyager-2 1977-yilda uzoq fazo va quyosh tizimining asosiy sayyoralarini o‘rganish uchun uchirilgan edi.
- Ularning rejalashtirilgan faoliyat muddati allaqachon tugagan bo‘lsa-da, apparatlar yulduzlararo fazo haqida ma’lumot to‘plash va Yerga uzatishda davom etmoqda.
Izoh (0)