АҚШ Давлат котиби Энтони Блинкен Бирлашган Миллатлар Ташкилоти Хавфсизлик кенгаши йиғилишида Россия ҳукуматини дон келишувини узайтиришдан бош тортгани учун кескин қоралади.
“БМТнинг ҳар бир аъзоси Москвага айтиши керак: етар энди! Қора денгиздан шантаж воситаси сифатида фойдаланишни бас қилинг. Дунёдаги энг заиф одамларга нисбатан савдо воситасидек қарашни тўхтатинг. Етар энди бу асоссиз, уятсиз уруш”, — деди Блинкен 3 август куни Нью-Йоркдаги нутқида.
Блинкен 80 дан ортиқ давлат томонидан имзоланган қўшма декларацияни тақдим этди, унда озиқ-овқатдан зиддият воситаси сифатида фойдаланишни тўхтатиш талаб қилинган. Ҳужжатни имзолаган давлатлар тинч аҳоли ўртасида очликдни уруш тактикаси сифатида қўллашга чек қўйиш чораларини кўришга ваъда беради.
“Очликдан қурол сифатида фойдаланмаслик керак”, — деб таъкидлади АҚШ Давлат котиби ва БМТнинг барча давлатларини ташаббусга қўшилишга чақирди.
Россиянинг дон битимини узайтиришдан бош тортди
Июль ойида Кремль дон битими якунланганини эълон қилди. Битим бир йил аввал Россия ва Украина томонидан БМТ ва Туркия воситачилигида имзоланган эди, келишув Украина портларидан дон ва озиқ-овқат ташиш хавфсизлигини тартибга солишга қаратилган.
БМТ маълумотларига кўра, дон битими даврида Украина Қора денгиз орқали 32,8 миллион тонна дон ва мойли ўсимликлар, асосан маккажўхори ва буғдой экспорт қилган.
Изоҳ (0)