Қашқадарё вилоятининг Миришкор туманига янги ҳоким тайинланди.
Халқ депутатлари Миришкор тумани кенгашининг бугун, 3 август куни бўлиб ўтган навбатдаги сессиясида ҳозирга қадар агросаноат устидан назорат қилиш инспекцияси Қашқадарё вилояти бошқармаси бошлиғи лавозимида ишлаб келган Ғуломов Файзулло Қурбонович туман ҳокимлигига тавсия қилинган ва Халқ депутатлари Миришкор тумани кенгаши депутатлари томонидан қўллаб-қувватланган.
Файзулло Ғуломов 1974 йилда Тошкент вилоятининг Бўка туманида туғилган. Қарши муҳандислик-иқтисодиёт институтини тамомлаган. У агросаноат устидан назорат қилиш инспекцияси Қашқадарё вилояти бошқармаси бошлиғи лавозимида 2020 йил 17 мартдан бери фаолият юритиб келар эди.
Туманнинг собиқ ҳокими Шерали Санаев президент танқидига учраб, лавозимидан олинганди.
Изоҳ (0)